اربط الدومين الخاص بمتجرك

متجرك بيبدأ على رابط مجاني زي ahmedstore.matgarko.com. لو عندك دومين خاص، تقدر تربطه بنفسك على كل الباقات من «الإعدادات» ← «الدومين». لو لسه ما اشتريتش دومين، اشتريه الأول من أي شركة دومينات (GoDaddy أو Namecheap أو غيرهم).

1. أضف الدومين

1. 1اكتب الدومين في خانة «الدومين»، زي ahmedstore.com.
2. 2سيب اختيار «أضف www.ahmedstore.com أيضًا» متعلّم، لأن ناس كتير بتكتب www.
3. 3اضغط «إضافة الدومين». الصفحة هتعرض لك السجلات اللي هتضيفها.

2. أضف سجلات DNS عند شركة الدومين

افتح صفحة إعدادات DNS للدومين (اسمها غالبًا DNS Management أو Advanced DNS)، وانسخ الاسم والقيمة من صفحة «الدومين» بزر النسخ:

• سجل A: الاسم @، والقيمة هي عنوان خادم متجركو اللي ظاهر في الصفحة. لو فيه سجل A قديم للاسم @، عدّله بدل ما تضيف واحد جديد.
• سجل CNAME: الاسم www، والقيمة رابط متجرك على متجركو.
• احذف أي سجل AAAA للاسم @، وأي سجل A تاني من استضافة قديمة.
• على Cloudflare: خلي Proxy status «DNS only» (السحابة رمادية) لكل السجلات.

3. اضغط «تحقّق الآن»

السجلات ممكن تاخد دقائق، وأحيانًا لحد كام ساعة، لحد ما تظهر. لما تضغط «تحقّق الآن»، الصفحة بتقولك بالظبط لو فيه حاجة محتاجة تتصلّح: السحابة البرتقالية في Cloudflare، أو سجل قديم، أو إن السجلات لسه ما ظهرتش. أول ما DNS يبقى صح، بنطلع شهادة الأمان (HTTPS) لدومينك تلقائيًا، وده بياخد دقيقة.

الدومين اللي ما يكملش التحقّق خلال 7 أيام بيتشال تلقائيًا، وتقدر تضيفه تاني في أي وقت.

4. خليه عنوان متجرك

1. 1لما الحالة تبقى «جاهز»، اضغط «اجعله عنوان المتجر».
2. 2الرابط القديم على متجركو بيحوّل كل زواره للدومين، فإعلاناتك وروابطك القديمة شغالة ومش هتخسر ترتيبك في جوجل.
3. 3هتسجّل دخول لوحة التحكم تاني على الدومين الجديد، والسلال المفتوحة عند العملاء ما بتنتقلش. الطلبات والحسابات زي ما هي.
4. 4في Google Search Console ضيف الدومين كـ Domain property وابعت خريطة الموقع (sitemap.xml).